عصام عمر: قدمت شخصية مختلفة فى “مسار إجبارى”.. ومش عايز الجمهور ينتظرنى كوميدى فقط حصري على لحظات

أكد الفنان عصام عمر، أنه يفضل تكون الأدوار التي يقدمها على الشاشة مختلفة عن بعضها، قائلا: “بحب لما يجي لى شغل اختار حاجات بعيدة عن اللي عملتها قبل كده، ومش عايز الجمهور يحطني في مكان معين، وينتظرني في الكوميدي فقط”.

وأضاف عصام عمر، خلال لقاءه ببرنامج “معكم”، مع الإعلامية منى الشاذلي، على قناة ON، أنه شعر بسعادة كبيرة من ردود الفعل على دوره في مسلسل بطن الحوت بعد الكوميديا في مسلسل بالطو، مضيفا: “كنت حابب مقدمش حاجة فيها كوميديا وكنت عايز أحافظ على الشخصية في مسلسل مسار إجباري”.

وتابع: “كان لازم يكون شخصيتي مش كوميدية في مسلسل مسار إجبارى، ويكون في اختلاف بيني وبين أخويا في المسلسل، لأن أحمد داش هو بيهزر ومختلف ومكنش ينفع أسيب الكوميديا تسحبني، والمفروض أنا عكس شخصية حسين، ولازم نبان مختلفين، والمسلسل كان مبني على كده، أخين مختلفين ويجمعهم مسار واحد”.

وأوضح عصام عمر، أن كل واحد في المسلسل من الأخين كان شبه البيئة التي تربى فيها وشبه تربية أبوه له، متابعا: “شخصية علي مش حاطط أبوه في حسبته ومربيه تربية قاسية، ويفاجئ أن ابوه متجوز واحدة تانية، ومخلف منها ابن كبير وهو ميعرفش”.