محمد على رزق: صيد العقارب أصعب تجربة في حياتى وغادة عبد الرازق كانت أكبر مشجع لي حصري على لحظات
قال الفنان محمد على رزق ان الفن بالنسبالى له علاقة بطفولتى فأنا منذ صغرى مرتبط بالافلام والمسلسلات وبحفظ المشاهد وبمثلها ومرة عورت أخويا وكنت بعمل كوارث ووالدتى كانت مدرسة في المدرسة اللى انا فيها وزميلاتها نصحوها بأنى ادخل الفرقة المسرحية .
وأضاف خلال مداخلة ببرنامج التاسعة مع الإعلامية شافكى المنيرى، المذاع علي القناة الأولى: كنت مرتبط بعادل إمام ومحمود عبد العزيز وعشت مع أحمد زكى فترة حلوين ونزلت امثل وانا في “ثالثة ثانوى ” ودخلت أداب مسرح حلوان ودخلت الورشة مع الدكتور خالد جلال وعملنا قهوة سادة .
وتابع: من اهم الناس في الدفعة دلوقتى تايسون ومحمد فراج ومحمد سلام ، وصيد العقارب مش هكذب لو أقول انه أصعب تجربة في حياتى، ووافقت على طول ، ودى كانت اول مرة اتعامل مع غادة عبد الرازق، وأحمد ماهر والدور جديد وشخصية صعبة جدا، بس الناس ساعدتنى كثير جدا في الكواليس، وغادة عبد الرازق كانت من أكثر الناس اللى بتشجعنى، وكانت أكبر داعم لي من أول يوم، الناس كانت بتساعدنى أنجح.
