قال الإعلامى الدكتور عمرو الليثى، مقدم برنامج “واحد من الناس” على قناة الحياة، فى أولى حلقات البرنامج فى شهر رمضان: بنلف محافظات مصر ونقابل الناس الطيبين ونحاول الحديث معهم وإدخال البهجة والسرور عليهم ولبيوتهم.
وأضاف عمرو الليثى، فى كل حلقة فقرتين فيهم بنشوف الناس الشقيانة فى المشروعات فى عز الصيام، والناس اللى بتبنى وتعمر ونحاول نسعدهم.
وخلال الحلقة الأولى قابل سيدة مسنة جالسة فى أحد الشوارع، وتحدث إليها والتى بكت من الفرحة وقالت: كنت أعمل وحاليا أصبت بجلطة على القلب وبعت الشقة اللى بعيش فيها، عشان أسدد ديونى، وبدفع إيجار 1600 جنيه ومش عارف أجيبهم منين، ونفسى فى أنبوبة بوتاجاز لطهى الطعام عليها من أجل الأطفال الأيتام اللذين يعيشون معها”.
واستجاب عمرو الليثى للسيدة المسكينة وأهداها 5 آلاف جنيه، وأدخل الفرحة والسعادة على قلبها وأجبر بخاطرها، وشكرت السيدة ربنا والبرنامج، مؤكدة :”انا مش مصدقة”، وهشترى الأنبوبة وهدفع القسط اللى عليا بإذن الله”.
