قال المعلق الرياضي أحمد الطيب، إنّ النادي الأهلي تدخل لمنعه من التعليق على مباريات النادي في إحدى القنوات الرياضية، موضحًا: “المعلق الراحل محمود بكر كان بيعلق في قناة الأهلي ولما قال كلمتين على خط وسط ملعب الأهلي إنه بطيء، النادي الأهلي خلى الراجل القامة العظيمة برة القناة”.
وأضاف الطيب في حواره مع الإعلامية بسمة وهبة مقدمة برنامج «العرافة»، على قناتي المحور والنهار: “لو قناة الأهلي مش مطلوب منها إنها تبقى محايدة يبقى مش مطلوب منك غنك تبدي رأيك وأوامرك في قناة مش بتاعتك”.
وعن غضب جمهور النالدي من تعليقاته، قال الطيب: “أنا مش بشتغل الزبون عاوز كده، أنا أقدم ما يجعلني الجمهور للصح والأصح وما يتناسب مع طبيعة وثقافة المجتمع ومصلحة الوطن، لكن لو الجمهور لو عاوز شمال أو يمين مش هروح شمال أو يمين زي ما هو عاوز”.
واجه شيخُ العرافين المعلقَ الرياضي أحمد الطيب، سائلا إياه: “مين المسؤول الكبير اللي كلمك عشان تجيب لاعب مكان علي معلول؟!”.
وقال الطيب : “محصلش، مفيش مسؤول كبير في الأهلي كلمني عشان أجيب لاعب بديل مكان علي معلول، لكن عُرض على مسؤول في النادي الأهلي وهو صديق شخصي لي لاعب في نفس مركز علي معلول”.
وتابع الطيب: “في حواري مع هذا المسؤول الصديق عرضت اللاعب البديل لعلي معلول لأن اللاعب التونسي قد يستمر مع الأهلي سنة أو سنتين على الأكثر”.
