كشفت دينا إسماعيل والدة “حبيبة الشماع” ضحية سائق شركة التوصيل، عن حالة ابنتها الصحية، قائلة: “مفيش أي تحسن في حالتها ودرجة الإفاقة ضعيفة ولا تحسن في حالتها”.
وعلقت خلال مداخلة هاتفية ببرنامج “كلمة أخيرة”، عبر قناة “ON”، مع الإعلامية لميس الحديدى، على بيان شركة أوبر الصادر مساء اليوم، قائلة: “بعد أسبوع لسه فاكرين؟ وبيقولوا أي حاجة مش عارفين يكشفوا على الكباتن اللي عندهم ويعملوا عليهم كنترول، حزن إيه وأسى إيه اللي بيعبروا عنه؟ مش حاسين باللي احنا فيه، بعد أسبوع حسبي الله ونعم الوكيل”.
وتابعت: ” ماحدش إتصل بينا من الشركة والشركة اتصلت بابن عمها بعد وقوع الحادثة وقالوا أسى وحزن والكلام ده وخلاص.. هما ماتكلموش ولاظهروا أصلا”.
أضافت باكية: “اللي عايشاه ده أكتر من كابوس، قلتلها انتظريني قالت مستعجلة وعندي موعد كان معايا العربية وأنا كنت خايفة عليها من “أوبر” بخاف يركبوا لوحدهم، العادي أنا وأبوها بنوصلهم، لأن عندي ثلاث بنات وبخاف عليهم، وهي الوحيدة بين شقيقاتها اللى بتسوق لأنها الشقيقة الكبرى”، وأتمت : “سيادة الريس عرض المساعدة، واتكلم كذا مرة وعرض حاجات كتير، وكتر ألف خيره بصراحة، وسعيدة بمكالمة الرئيس”.
