قالت الفنانة فرح الزاهد، إن المقارنة بينها وبين شقيقتها هنا الزاهد شيء عادي وكثيرا ما يتعرضوا للمقارنات في أقل التفاصيل حتى المقارنة تكون في الشخصيات العادية بعيدا عن التمثيل، مضيفة: “المقارنة شيء عادي وأنا منظمة جدا في البيت وعندي وسواس قهري في النظام”.
وعبرت فرح الزاهد، خلال حوار ببرنامج “الستات ميعرفوش يكدبوا”، على قناة سي بي سي، عن سعادتها بتجربة فيلم عصابة عظيمة، قائلة: “أنا كنت محتاجة فيلم زي عصابة عظيمة وسعيدة جدا بالتجربة دي والشغل مع المخرج وائل إحسان مختلف وهو عمل أعمال تربينا عليها”.
وتابعت: “إسعاد يونس سوبر استار وكل مشهد في الفيلم كان صعب واكتسبت خبرة منها ممكن لو قعدت كذا عمل مخدهاش وكنت محتاجة خبرة عصابة عظيمة واسعاد يونس هي أم العمل ومتواضعة جدا وتشجع كل اللي بيشتغل معاها”.
