كشفت الفنانة عفاف شعيب عن أنها ضيفة شرف فى مسلسل محارب ولكن الشخصية تدور حولها أحداث المسلسل كله، متابعة: أنا بحب شيرين عادل كإنسانة ومخرجة وهى بتختار شخصيات أعمالها وأنا اشتغلت معاها فى مسلسل قبل كده، كمان واستمتعت بالعمل معها، وهى غالية عندى قوى وأنا قلت لها لأ هفكر إنى أطلع ضيفة شرف قالتلى مفيش لأ هفكر الوقت ضيق.
وأضافت خلال مداخلة هاتفية ببرنامج الستات ما يعرفوش يكدبوا: أحمد السبكى كمان قمة فى الأدب والاحترام والالتزام التوزم معايا فى كل حاجة قالهالى واشتغلت الدور وهو حلقة واحدة بـ30 حلقة تعبت فيها تعب فظيع الشغل فيها صعب جدا أول مشهد بيجروها بعربية شغل صعب قوى قوى فى الحقيقة.
وتابعت: حسن الرداد إنسان جميل جدا جدا وأنا بحبه وتربطنا بيه علاقة قوية وكان دايما فى الحقيقة لما أطلبه فى حفلات الأيتام كان بيجى ويقعد يغنى معاهم هو وعمرو يوسف.
وأكدت أن الشركة المتحدة تنفق بسخاء على الأعمال علشان تطلع فى أحلى صورة هذه حقيقة لا يمكن إنكارها، ولكن الدراما اتغيرت قوى قوى قوى والورق دلوقتى بقى يتكتب حلقة حلقة مش زى زمان كنا بنمسك الورق كله ولكن المفاجأة لقيت فى العمل ده أحمد السبكى مهتم جدا بالعمل ده وبيصرف عليه بسخاء وكان كريم جدا، والمشهد بتاعى عدناه أكثر من 500 مرة، وشيرين عادل ملتزمة جدا وما بتفوتش الكلمة.
