قالت الفنانة دينا، إن حياتها تنفع تقدم رواية وهي رواية صعبة للغاية وفيها أماكن صعب تصديقها، موضحة أن الناس تعتقد المسلسلات والأفلام هي الحقيقة والواقع أصعب من كده.
وأضافت دينا، خلال حوار ببرنامج “ع المسرح”، مع الإعلامية منى عبد الوهاب، على قناة الحياة، أن مسرحية حياتها تطلق عليها “حب في الحياة”، كما عبرت عن رفضتها فكرة تقديم السير الذاتية لحياة الناس، قائلة: “أنا ضد مسلسلات تقدم قصة حياة الناس لأن بيتجاهلوا حاجات جوه القصة بتخليها ضعيفة وأصعب حاجات بتحصل للناس في حياته هي اللى بتكون شخصيته”.
وتابعت: “أصعب المواقف في الحياة بتخلي في بنى آدم وبتعمل صورة بنى آدم والصورة لو شيلت منها فصل مش هتبقى هي الحياة ومش صورة كاملة للشخصية، واسوأ ما في الحكاية هو أحلى ما في الحكاية وراضية بحياتي ومش عايزة أغيره وبحب حياتي بكل تفاصيلها وعندى حالة رضا كاملة”.
