كشفت الدكتورة أمانى الشريف، أستاذ الصيدلة بجامعة الأزهر الشريف، عن أسرار العلاج بالوهم، قائلة :”قبل تطورالأدوية كان يعطى للمريض دواء وهمي،،مضيفة: “قبل تطور علم الأدوية، لما كان مريض بيشتكى من ألم وميكونش فيه علاج كانو بيدوله مادة غير فعالة فى شكل دوا زى قرص سكر أو كبسولة نشا أو حقنة محلول ملح وممكن كمان يعملوا عملية جراحية وهمية، مجرد بنج، وجرح و بتخيط دون عمل اى تدخل جراحى، و يقولوا له عملنا لك احسن حاجة وان ده علاج جديد ودواء هايل واكيد هتتحسن صحتك عليه، لغريب فعلا أن المرضى كانت بتتحسن فى حالات كثير! واتسمى التأثير ده تأثير البلاسيبو”.
وأوضحت خلال حلقة برنامج “اسرار”، المذاع على فضائية “الناس”، اليوم الجمعة: “لسنوات علشان يختبروا فاعلية دوا جديد كان بيلجأ العلماء لمقارنته بمادة خام فكان مجموعة من المرضى بتاخد الدواء الجديد، ومجموعة ثانية بتاخد نفس شكل قرص الدوا بس بدون أى مادة فعالة علشان يقيسوا فاعلية الدوا الجديد عن طريق مقارنة الاستجابة للعلاج بين المجموعتين..المفاجأة أن فيه حالات كثيرة بتتجاوز 60 50–% من اللى بياخدوا العلاج الوهمى كانت بتتحسن، يعنى الاعراض اختفت برغم أن المريض اخد دوا وهمي.. ببساطة البلاسيبو مصطلح أطلق على استخدام مادة خام كعلاج ويجيب نتائج ايجابية. وهى كلمة لاتينية تعنى انا أحسن او انا كويس”.
وتابعت: “باحثين كتير اهتموا بالظاهرة دى وصدرت ابحاث من جامعة هارفرد وستانفورد وغيرهم بتثبت فاعلية البلاسيبو فى تغيير ضربات القلب وضغط الدم وتخفيف الألم بالرغم إنه مش دوا حقيقى ولا له أى علاقة مباشرة بالمرض، ولكنه بيحسن الاعراض.
فسر د.شين ماكى الباحث فى جامعة ستانفورد (الفيديو) الاساس العلمى ورا الظاهرة دي، منطقة بتسمى المهاد ودى هى المحطة المركزية اللى بتاخد الإشارات االلى بتيجى من بقية الجسم وتبعتها لاماكن تانية من الدماغ علشان يتم معالجتها وتوليد الاحساس بالالم كاشارة أن فيه حاجة غلط وأيضا مسؤلة عن توصيل شعور إزالة الألم من المخ للأعضاء المتألمة. وتأثير البلاسيبو بيكون على الجزء الامامى للمخ المسؤل عن الافكار والتوقع والذاكرة وخبراتنا السابقة مع الالم.
وبيشرح د. شين مثال يوضح اللى بيحصل للمخ؟ عن طالب عنده بالجامعة عالجه من لإصابة فى ذراعه فى رحلة سفارى وجاله بالم رهيب غير محتمل .. عمل له مسح ضوئى سكان للمخ وكل ما كان يضغط على دراعه بيشتكى من ألم مميت حارق .. ومن خلال الشرايح دى بيظهر نشاط الدماغ القوى الدال على الألم، فقالوله انهم هيحقنوه بدوا قوى علشان يخف الألم واتحقن بمحلول ملح كانت المفاجاءة أن الألم قل بشكل ملحوظ بدل ما كان 7 من 10 بقا 3 من 10 وبالتالى انخفض نشاط دماغه “.
تحرص قناة الناس على تقديم محتوى متنوع فى شهر رمضان، حيث شملت خارطة البرامج المذاعة عبر الشاشة خلال الـ30 يومًا 28 برنامجًا متنوعًا ما بين الدعوة والفتوى وتفسير القرآن وشرح السُّنّة والنقاش العلمى والتلاوة ونقل الشعائر من المساجد الكبرى من داخل مصر وخارجها.
