أجاب الفنان أحمد العوضى، عن سؤال أن الفنان بيومي فؤاد قال: أنا البطل الحقيقي لرواية الإسكندراني، والأب هو البطل الحقيقى فيها.. فرد: “دا من وجهة نظر مين الأم؟ هو أسامة أنور عكاشة كلمه يعنى؟ مافيش حاجة كدة، وانا معنديش صراع مع حد”.
وأضاف أحمد العوضى، خلال حواره ببرنامج “ع المسرح”، مع الإعلامية منى عبد الوهاب، على قناة الحياة، أنه لم يسئ أحد من زملائه إليه، وعنديش روح الانتقام، الانتقام بيخسر، ونفسى أغير العصبية فيا، وأتمنى ينادونى بـ”حبيب الغلابة” ودى أكتر حاجة بحبها”.
تابع أحمد العوضى، “بيطاردنى هاجس حب الناس ليا يهمنا حب الناس يستمر، واحنا بنكبر وبنعجز ومش هنبقى طول الوقت نجوم ولا شباب ولا هيبقى جسمنا حلو وشكلنا حلو، لكن هيبقى السيرة الطيبة والناس تذكرك بالخير، وربنا مش بيدى كل حاجة فى الدنيا لأنه مخلى كل حاجة للجنة”.
